PINIGIL ng Premier Volleyball League (PVL) ang nakaskedyul na games ng Perlas team sa ongoing Open Conference matapos na isa sa delegasyon nito ang nagpositibo sa COVID-19.
Nasa isolation facility na ang naturang indibidwal habang ang iba pang Perlas members ay naka quarantine sa magkakahiwalay na rooms at muling sasailalim sa RT-PCR testing matapos ang limang araw.
“Pending the results (of the tests), the scheduled games of Perlas have been postponed,” opisyal na pahayag ni PVL president Ricky Palou kahapon.
Sabado sana ang debut game ng Perlas kontra Cignal sa PCV Socio-Civic Cultural Center ngunit hindi itinuloy “for precautionary measures.”
Nakatakda rin sumabak ang team laban sa Choco Mucho bukas (Martes) at kontra Petro Gazz sa Huwebes.
155 
